Uppskrift
Landamerki Helluvaðs í Skútustaðahreppi
Að sunnanverðu ræður bein stefna í hávestur frá Marðarvaði í Helluvaðstjörn sunnanverða, þaðan í
moldarflag vestan í Grófarási og svo eftir sömu stefnu ofan í austurgróf gengt suðurenda Langholts
hins ytra. Að vestan verðu ræður svo grófin merkjum allt norður í Nónþúfu. Þaðan liggur merkjalínan í
landnorður í ynnstu upptök Kæfulækjar, ræður svo lækurinn merkjum allt norður í Másvatn. Að
norðan verðu ræður bein stefna úr Kæfulækjarósi til norðausturs í merkjavörðu, sem stendur vestan í
Brattáshala, lítið eitt fyrir norðan suðaustur horn Másvatns; þaðan bein stefna í háaustur yfir
Brattáshala, nyrðzt í Mið-kolluás yfir miðja Leirtjörn, og ofan í Geldingatóftir á Helluvaðsdal. Að
austan verðu ráða Laxá og Helluvaðsá landamerkjum suður í áðurgreint Marðarvað.
Einnig liggja undir Helluvað þessar þrjár eyar í Laxá: Hrútey, Lambey og Steinbogaey, og allir þeir
hólmar, er liggja fyrir heiman téðar eyar, sömuleiðis Kálfshólmi, Kárhólmi, Stökkull og Pokahólmi;
ennfremur smáhólmar þeir, er liggja næstir Lambey að norðan verðu.
Helluvaði, 14. Júní 1884.
Jón Hinriksson, Sigurður Magnússon (eigendur Helluvaðs
Eg Hálfdán Jóakimsson, eigandi jarðarinnar Brettingsstaða samþykki hérgreind landamerki, að því
leyti er mér kemur við.
Grímsstöðum í Apríl 1887. H.J.
Vegna eignarjarðar minnar Gautlanda og umboðsjarðarinnar Víða í Reykjadal, samþykkist þessi
landamerkjaskrá.
Gautlöndum, 18. Maí 1886.
Jón Sigurðsson.
Lesið á manntalsþingi að Skútustöðum 15. Júní 1887 og innf. í landamerkjabók Þingeyjarsýslu No
159.
B. Sveinsson
Borgun: Þingl. kr. 0,75
Bókun kr. 0,25
kr. 1,00
Ein króna – B. Sv.
