Uppskrift
Landamerki Skinnastaða í Axarfirði
með hjáleigunum Akri, Akurseli og Staðarlóni (= Hróastöðum.)
Að sunnan ræður bein stefna í vestur úr Merkisteini norðan við Miðásskarð í Vaðkotsá hjá hólma
neðan Vaðkots og er þar landamerkjasteinn á Þúfu hjá ánni; síðan ræður Vaðkotsá ofan að garði á
Rana; þaðan úr vestari enda garðsins bein stefna yfir Vaðkotsá í vestur í Sandá. Að vestan ræður
Sandá til Stórhöfðatáar landamerkjum og þaðan bein stefna í steina (ɔ: vörðu) á Há-langamel. Þaðan
bein stefna í miðjan syðri enda Hólskíls; ræður síðan kílinn meðan hann endist; úr ytri enda hans
ræður bein stefna í vörðu hjá Laufhól og þaðan sama stefna til sjóar. Að austan ræður stefna úr
Merkisteini á Miðási, er fyrst var nefndur, beint í vörðu á Há-Kerhólsfelli (= Tungu-Nónvörðu) og síðan
sama stefna ofan fellið áfram í Þangbrandslæk. Þá ræður Þangbrandslækur ofan undir
Skinnastaðadal, og síðan dalurinn við ytri brekku hans og beint ofan í lækinn; ræður þá
Þangbrandslækur aftur til norðurs út í Slý; síðan ráða mið Slý landamerkjum útundir
Vesturhúsahöfða; er landamerkjavarða hlaðin þar beint niður af; ræður þaðan lækjarfarvegur í
Öskjuholtslág og eru landamerkin eftir henni miðri, og síðan niður úr henni eftir farvegi niður í Sandá;
úr farveginum við Sandá ræður bein stefna til norðurs eftir gamla Sandárfarvegi vestan Horns móts
við Klifshaga, allt þar til er Hornskurður heitir; ræður síðan afgamall farvegur eða laut, er liggur út úr
Hornskurði, þar sem hann beygir í austur og alt út í Brunná beint á móts við Merkigil, sem er
landamerki millum Núps og Þverár, hinum megin árinnar. Síðan ræður Brunná landamerkjum til
Oddsness, er Hafrafellstunga á, og eru takmörk nessins að vestan móts við Skinnastaðaland og
Ærlækjarreka: þá er fremst öxlin á Sandfelli kemur undan Núpnum, frá sjó til Brunnár.
Undir Skinnastaði heyrir, auk síns eigin reka þrjúhundruð og sextíu (360) faðmar austan af Skógareka
og Klifshaga, og er staur rekinn niður í Sandinn til að sýna rekamarkið, en að austan ræður
Ærlækjarreki, og er hann eitt hundrað og tuttugu (120) faðmar fyrir Skinnastaðalandi, vestan
takmarka þess, er áður er getið, nefnil. þá er fremst öxlin á Sandfelli kemur undan Núpnum; er þar og
staur rekinn niður.
Skinnastöðum, 15. Okt. 1886
Þórleifur Jónsson
[Neðanmáls er ritað með öðrum lit og annarri rithönd]
Rekaítaki lyst af biskupi 4. maí 1954. J.Skaptason.
Sjá afsal C – 1172
Landamerkjaskrá þessari samþykkir:
Vegna Ferjubakka: Guðm. Þorvaldsson (Oddviti)
Vegna Kerhóls: Valdimar Davíðsson (eig) handsalað
Vegna Hafrafellstungu: S. Eiríksson (eig. og ábúandi; einnig fyrir hönd systur sinnar Guðrúnar
Eiríksdóttur í Laxárdal.
S. Sigurðardóttir (h.s.) meðeigandi Hafrafellstungu
Vegna Klifshaga: Kr. Árnason (eigandi.)
Vegna Skóga, Ærlækjarsels og Ærlæks: St. Stephensen (umboðsmaður Múkaþverárklausturs)
Vegna Þverár: Ingibjörg Nikulásdóttir (handsalað)
Lesið á manntalsþingi að Skinnastöðum 25. maí 1887 og innfært í landamerkjabók Þingeyarsýslu No
.
145.
B. Sveinsson
Borgun: Þingl. kr. 0,75
Bókun kr. 0,25
kr. 1,00 – Ein króna – B.Sv.
