Uppskrift
Landamerki fyrir jörðinni Mýrarkoti á Tjörnesi.
Að norðan verðu eru landamerki milli Mýrarkots og Ketilsstaða þessi: Við sjó ræður lækjarseira, sem
rennur fyrir sunnan svokallaðan Skarðabakkahól; þaðan ræður gamall garður, sem sést móta fyrir utan
við túnið á Mýrarkoti og beina stefnu upp í svonefndan Héraðsgarð, er liggur meðfram alfaravegi á
Tjörnesi í vörðu, sem þar verður hlaðin.
Að sunnan verðu á milli Mýrarkots og Hóls ræður merkjum við sjó fram svo kölluð Kaldaveita. Frá
Kölduveitu ræður garðbrot, sem liggur til suðausturs á syðsta melhól þann, sem er spölkorn utan við
Hól; þaðan á áðurnefndan Héraðsgarð í vörðu þá, sem þar skal sett. Þá ræður garðurinn til norðurs, í
áðurnefnda vörðu, sem af markar landamerki jarðarinnar að norðan.
Þannig skrásett í Júnímán. 1885.
Fyrir hönd sveitarsjóðs Húsavíkurhrepps.
Þ. Þórarinsson
M. Magnússon eigandi að Ketilsstöðum.
Helgi Þorkelsson fyrir hönd eiganda Hóls.
Lesið að manntalsþingi að Húsavík, 15. Maí 1886, og ritað í landamerkjabók Þingeyjarsýslu No
87.
B. Sveinsson
Borgun: Þingl. kr. 0,75
Bókun kr. 0,25
kr. 1,00 – Ein króna – B.Sv.
