Uppskrift
Landamerki Lunds í Hálshreppi
Að austan ræður miðbik eða hæsta lína fjallgarðs þess, er liggur milli Birningsstaðadals og Kiðsárdals.
Að sunnan ræður Ytra-Búðargil og lækur sá, er úr því fellur niður í Fnjóská nefndur Búðará. Að vestan
ræður Fnjóská eða miðja hennar. Að norðan ræður svonefnd Teigagróf er liggur frá fjallsbrún niður
norðan við Sjónarhól, en sunnan við Jónshöfða gegnum Kiðsárgerði norðan til og þaðan niður gegnum
Flatagerðishöfða. Þá er grófinni sleppir ræður bein stefna úr mynni hennar til grjótvörðu á austurbakka
Fnjóskár. (Á landspildu milli Teigargrófar og svonefndrar Bolagrófar, er liggur niður nokkurn spöl norðar
en Teigagróf, á Lundur slægjur allar ofan við Reiðgötur, þær er liggja milli Lunds og Vagla um Kiðsárgerði
og Kringlugerði. Lundur á enn fremur vetrarbeit á landspildu þessari allri upp og niður, um
áttaviknatíma, fyrir fé það, sem haft er á beitarhúsunum að Kiðsárgerði).
[Útstrikun gerð með öðrum lit. Ritað með öðrum lit og annarri rithönd]
Engu ítaki lýst samkvæmt áskorun 20.5.1953. Því niður fallið. J. Skaptason
Lundi, 2. nóvember 1883
Guðmundur Davíðsson eigandi jarðarinnar Lunds
Að þessi landamerki séu rétt og glögg, vitnar
Jónatan Þorláksson ábúandi Þórðarstaða
Benedikt Bjarnason umboðsmaður og ábúandi Vagla
Samþykkur hvað Þórðarstaði snertir Stephán Stephensen umboðsm. Munkaþvkl.
Þorsteinn Árnason ábúandi Lunds.
Framanskrifaðri landamerkjalýsingu erum við ábúendur vestan Fnjóská samþykkir
Sigurður Davíðsson
Sigtryggur Guðlögsson
Jónatan Davíðsson
Guðmundur Davíðsson
Lesið á manntalsþingi að Hálsi, 27. dag Maímán. 1883
B. Sveinsson
Borgun: Þingl. 75
Bókun 25
1,00 – Ein króna
Borgað B.Sv.
