Uppskrift
Landamerki Heiðarmúla í Svalbarðshreppi.
Að austan ræður gildrag vestanvert við fjallgarðinn framanvert við Einarsskarð og fylgir landið
Einarsskarðskvísl, sem liggur vestan við fjallgarðinn þar til hún kemur í Ormarsá og ræður þannig
umgetin kvísl landamerkjunum að austan og norðanverðu, en uppi frá því Ormarsáin að vestan verðu
fram að Axarfjarðarheiðar þjóðvegi, en þar eftir fylgir landamerkjastefnan farveg þeim, er liggur úr gili
á milli Mýrarsels og Djúpárbotna, og ræður þá bein stefna frá áminnstu gili að sunnan þvert yfir hæðir
og urðir, austur að fyrnefndu Einarsskarðsgili
Skinnalóni, 28. Júní 1884.
Jón Sigurðsson
Hvað takmörkin, að austan og norðan
snertir samþykkir G. Vigfússon.
Samþykkur hvað Sandfellshaga snertir Stephán Stephensen
Lesið á manntalsþingi að Svalbarði, 16. dag Maímán. 1885.
B. Sveinsson
Borgun: Þingl. 75 aur
Bókun 25 aur
Kr. 1,00 – Ein króna –
Borgað B. Sv.
Reki
Tilheyrandi Munkaþverárk[l]austri fyrir landi
jarðarinnar Álands í Þistilfirði
Milli Kolkuár og Sandár fjórðungur og áttungur í hvalreka slíkt hið sama í flutningum, og allan
viðarreka nema það eitt undanskilið, er leiguliða ber til réttar og selju.
Akureyri, 16. Janúar 1883
Stephán Stephensen
Ofanskrifuðum rekamerkjum erum við samþykk
Björn Bjarnason, Ingiríður Ásmundsdóttir (Eigendur að jörðinni Ytra-Álandi)
[Ritað á spássíu með öðrum lit og annarri rithönd]
Ítakinu ekki lýst samkv. áskorun 20.5.´53. Niður fallið. JS.
Lesið á manntalsþingi að Sauð Svalbarði, 16. dag Maímán. 1885.
B. Sveinsson
Borgun: Þingl. 75 aur
Bókun 25 aur
Kr. 1,00 – Ein króna –
Borgað B. Sv.
[Þverstrikað yfir færsluna með öðrum lit]
