Uppskrift
Landamerki Hléskóga í Grýtubakkahreppi.
Að neðan ræður, til móts við Nes, bein lína sunnan úr Sóleyardýi út eftir svokölluðum Ófærum í
Flæðakílinn, þar sem krókur verður á honum, og hann fer að renna í norður, en eftir það ræður kíllinn,
þar til hann aftur stefnir í vestur. – Að utan ræður til móts við Grýtubakka og Grýtu, kíll fyrir utan
Landhólmaskott, og úr þeim kíl bein stefna upp í Naustadæl miðja, en þaðan bein lína upp í Bóndatóft.
Þá ræður þaðan móti Kolgerði sjónhending í vörðu syðst og vestast á svokölluðum Bungum, svo sama
bein lína upp í Grýtuhóla og svo eru úr því merki eftir röðlinum á hrygg þeim, sem er milli
Benediktsskarðs og Grýtuskálar á fjall upp. Að sunnan ræður til móts við Lómatjörn bein lína neðan úr
Sóleyjardýi upp á fjall, og liggur lína þessi um suðurbrún á hæðum þeim, sem eru utan við
Lómatjarnardal í gilskoru, sem þar er uppundan, og þaðan upp í stórt gil við sjóinn sunnan við Dýjahjalla
og Grenishjalla á fjall upp.
Nesi, 23. dag Aprílmán. 1884.
Einar Ásmundsson
Þessa landamerkjaskrá samþykki eg hvað Kolgerði viðkemur
G. Ólafsson
Þessa landamerkjaskrá samþykki eg hvað Grýtubakka snertir
Þorsteinn Jónasson
Þessa landamerkjaskrá samþykki eg það sem snertir Laufáskirkjujörðina Lómatjörn
Magnús Jónsson
Að Nesi er sami eigandi, sem að Hléskógum.
Einar Ásmundsson
Lesið á manntalsþingi að Grýtubakka, 23 Maí 1885.
B. Sveinsson
Borgun: Þingl. 75 aur
Bókun 25 aur
Kr. 1,00 – Ein króna
B. Sv.
