Uppskrift
Landamerki jarðarinnar Bakka í Hálshreppi.
Bakki á land til austurs á fjall upp og til Nýárdalsárlands, sem ódeilt er; að sunnan ræður merkjum
gamall merkigarðsstúfur, sem liggur austur og vestur á svonefndu Langholti, eru merkin frá eystri
enda hans þverstefnu til fjalls í vörðu, sem hlaðin er á litlum grjótgarðihól neðst á fjallinu og þaðan
beint upp á fjallið; frá vestri enda garðsins eru merkin til vesturs í vörðu, sem hlaðin er á mýrinni, og
þaðan þvert til Bakkaár; liggur að sunnan Sörlastaðaland, að vestan ræður Bakkaá merkjum, að
norðan eru merkin Fossgil í fjalli, og á flatlendi grjótgarður eða hryggur, sem er lítið norðar en beint
niður frá gilinu, og frá honum beina þverstefnu til Bakkaár, liggur að norðan Bakkaselsland.
Bakka, 1. Nóv. 1883.
Benedikt Jónatansson (eigandi) (ábúandi)
Jónatan Þorláksson (eigandi)
Helgi Davíðsson (bóndi á Bakkaseli)
G. Davíðsson (Fyrir eig. Bakkasels)
Sigurjón Bergvinsson (Eigandi og ábúandi Sörlastaða)
Lesið á manntalsþingi að Hálsi 18. Júní 1884.
B. Sveinsson
Borgun:
Þingl. 0,75
Bókun 0,25 = 1,00 kr.
– Ein króna – B. Sv.
