(Ekki er hægt að opna bók á réttum stað þar sem blaðsíðutal vantar)

Uppskrift

Skrá yfir landamerki Þiðriksvalla í Hrófbergshreppi 
Á leið til sjóar í austnorður frá bænum Þiðriksvöllum er vatn, sem heitið Þiðriksvallavatn, úr 
austurhorni þess rennur á, sem heitir Þverá ofaní Húsadalsá, og greinir hún að austanverðu 
Þiðriksvallaland frá Skeljavíkurlandi, þá greinir Húsadalsá frá því að Þverá rennur í hana og 
það suður á hraun. 
Þiðriksvallaland að sunnanverðu frá Víðirdalsárlandi. 
Að austnorðan og útnorðanverðu greinir áður nefnt vatn land jarðarinnar Þiðriksvalla frá 
Skeljavíkur og Vatnhornslandi, og ennfremur á milli Vatnshorns: frá vatninu að vestanverðu 
greinir nú sjónhending, sem miðast frá vörðu syðst á Smiðhúsaborgarhöfðinu að vörðu, sem 
hlaðin er við ána í Bæjarflóanum. Þaðan greinir sjónhending eptir þremur vörðum fram 
dalinn að Grímseyrunum svo áin að Grímsgili og svo Grímsgil suður á hraun eins langt og 
vötnum hallar þar norður af fjallgarðinum. 
Sem eigendur jarðarinnar Þiðriksvalla 
Grímur Benediktsson Jón Guðmundsson Jón Einarsson 
Vegna Skeljavíkur R.P. Riis. Gísli Jónsson á Víðirdalsá. 
Vegna Vatnshorns Magnús Magnússon Magnús Guðmundsson 
Lesin fyrir manntalsþingsrjetti að Hrófbergi 26. júnímán. 1890 og rituð inn í landamerkjabók 
Strandasýslu undir tölulið 68 Vitnar 
S.E Sverrisson 
Gjald: 
Fyrir þinglestur kr. 75a 
Fyrir bókun kr. 25a 
Er ein króna 
SESverrisson 

Kaldrananesþinghá