(Ekki er hægt að opna bók á réttum stað þar sem blaðsíðutal vantar)

Uppskrift

Landamerkjaskrá Valdsteinsstaða við Hrútafjörð 
Úr Stúfeyrarhöfða í ávalan klett á brúninni sem nefndur er „Bolli,“ en brúnin nefnd 
Neðriborg. Þaðan í stóran stein utanhalt á Stóruborg, þaðan utanvert við klett á Krókaásnum 
framarlega og liggur sá ás vestanvert við alla Krókana, þaðan í hól þann norðanvert sem 
gengur út í Mið-Fylingjavatnið, þaðan í þúfu á hól, sem stendur við tjörn vestan 
Fýlingjavatnsásinn, þaðan í norðurenda á miðju Syðra-Bleiksvatn, úr suðurendanum á 
Bleiksvatni sjón hending fyrir sunnan Nónskarðahól í Efri Horpustein, þaðan í Kvígugilshól, 
úr honum í vörðu á brúninni fyrir framan Kvígugil, þaðan beina sjónhending í vörðu, sem 
stendur við sjóinn milli Markhöfða og Litlahöfða. 
Staddur að Bæ, 23. maí 1890 
Gísli Magnússon (handsalað) Eigandi Valdasteinsstaða. 
Framangreind landamerki samþykkir hvað jörðina Borðeyri snertir S.E Sverrisson 
umboðsmaður Strandasýslujarða. 
Sem eigandi og ábúandi jarðarinnar Kjörseyrar. Samþykki jeg framanskráð landamerki 
Finnur Jónsson. 
Sem umráðamaður jarðarinnar Fjarðarhorns Páll Ólafsson. 
Lesin fyrir manntalsþingsrjetti að Bæ 19. júnímán. 1890 og rituð inní landamerkjabók 
Strandasýslu undir tölulið 28. Vitnar 
S.E Sverrisson. 
Gjald: 
Fyrir þinglestur kr. 75a 
Fyrir bókun kr. 25a 
Er ein króna 
SESv.