Uppskrift
Skrá yfir Hellu landamerki:
Að utanverðu milli Hellu og Kleifa ræður svonefndur landamerkjalækur frá sjó og uppá
vatnshjalla og rennur hann þar út lítilli tjörn, svo sjónhending úr henni í vörðu neðantil á
Kleifafellsströnd og þaðan sem vörður vísa eptir brúninni norður í steinsþúfu á
Þrítjarnarbjörgum innantil og þaðan eptir bjargabrúninni í vörðu vestantil við seljulaut, svo
sjónhending yfir lautina og í stóran stein austanvert við hana og þaðan eins og
Oddabjargabrún ræður norður og í kringum Oddahvamm og í Urriðavatn norðanvert við
hvamminn. Milli Kaldrananess og Hellu ræður jarðfallalækur frá Urriðavatni, er rennur fyrir
vestan Háuberg og þar í gegnum fjórar tjarnir; og svo úr nyrðstu tjörninni rennur svokallaður
stórilækur norður eptir brún og ofaní Bjarnarfjarðará framanvert við Bakka bæinn; þaðan
ræður Bjarnarfjarðar á fram að svokallaðri Hjálmarsá, er rennur ofan af hábrún og þar úr
svokallaðri Hjálmarstjörn og skiptir áin löndum á milli Skarðs og Hellu, svo frá tjörninni
sjónhending í hnöttótt holt, sem er fyrir ofan hana og af því sjónhending í stóran stein
norðantil á Steinshæðarenda svo frá honum sjónhending í vörðu við grjóthólmavatnsenda
neðri og frá vatnsendanum eins og holtahryggur ræður Sandnesmeginn við haugsvatnsflóa
ofan að haugsvatni, en úr vatninu rennur Kolsá, er ræður landamerkjum á milli Sandnes og
Hellu alla leið þaðan og ofan í sjó.
Ingim. Guðmundsson. Einar Einarsson. E. Guðbrandsson.
Fyrir Kaldrananes samþykkir,
Þ. Guðbrandsson. G. Guðmundsson. Jón Guðmundsson.
Lesin upp fyrir manntalsþingrjetti að Kaldrananesi 22. maím. 1886, og rituð í
landamerkjabók Strandasýslu undir tölulið 7. vitnar
S.E. Sverrisson.
Borgun:
Fyrir þinglestur 75a
fyrir bókun 25a
ein króna. S.E. Sverrisson.
