Uppskrift
Ár 1922, fimtudaginn 21. sept. var landamerkjadómur settur að Hjarðardal ytri Ønundarfirði,
og haldinn af hinum reglulega dómara, með undirskrifuðum vottum.
Tekið fyrir:
Ágreiningur um landamerki jarðanna ytri og innri Hjarðardals.
Mættir eru í rjettinum Kristján Jóhannesson eigandi og forráðamaður jarðarinnar ytri
Hjarðardal, og Guðmundur Gilsson bóndi í innri Hjarðardal, sem eigandi og ábúandi tjeðrar
jarðar. Dómari leitaði um sættir og varð sú.
Sætt:
Málsaðilar urðu ásáttir um að landamerki tjeðrar jarða sjeu þannig: Úr dalbotni eftir ánni heim
í Hraunafót; þaðan bein lína niður í Görn, svo liggja merki út með Görn út í skarð í kambinn
við ytri Garnarenda. Úr skarðinu beint að Hjarðardalsá, þaðan eftir ánni þangað til hún sker
línu, sem myndast af tveim staurum, inní Hjarðardalslandi beint í sjó. Merki þessi skulu sett
þannig að kamburinn norðanvert við ánna, ána skal skift eftir hundraðahæð beggja jarða eftir
fornu mati, og ber við skiftin að telja að kamburinn byrji þar sem áin fjell til sjávar áður en hún
breytti farveg veturinn 1918 út að árkrók neðan við vað sem er þar í ánni nú.
Framangreind merki skuldbinda sig til að kosta í sameiningu og hafa sett niður úr járnpípum
fyrir lok þessa mánaðar.
Ennfremur skuldbinda jarðeigendur sig til að greiða að hálfu kostnað við mál þetta sem sje,
ferðakostnað dómara og rjéttargjöld þar á meðal kostnað við birtingu stefnu.
Vottar: Upplesið játað rjett bókað.
Páll Stephensen Frekara eigi fyrirtekið. Rjetti slitið
Stefán Pálsson Oddur Gíslason
Guðm. Gilsson
Kristján Jóhannesson
Rjetta útskrift staðfestir:
Oddur Gíslason.
[á spássíu] Þingl. Að Þórustöðum 6/7 ´23
Gjald 4 kr. Greitt.
