Uppskrift
1921
Að austanverðu ræður áin Korpa merkjum heim að Kroppsstaðamerki, en þar liggur það eftir
gömlum farveg niður eyrar í svo nefnd Sýki, og úr því inn með Breiðeyri, sem tilheyrir Hóli,
en eftir það liggur það eftir Hesta, nema þar sem það liggur eftir svo nefndri Hvolpalænu, en
Tunga á það land, sem liggur milli ár og lænu.
Alt beitiland er óskift milli Þorpsjarða sem eru: Hafurhestur, Efrihús, Neðrihús, og
slægjuland óskift eiga þessar jarðir heimast á Hestdal er kallað er Samvinna, og fremst á
dalnum, sem kallað er Leiti. Hafurhestur á tvo fimtu parta úr óskiftu landi. Úr skiftu slægjulandi
á hann á Hestdal þessa parta: Gyrði, Hlaðspart, Votahvamm, Stagggarðsengi, Kökubungu,
Seljaengi og Fremstaengi. Merki við þessa parta eru öll skýr og enginn ágreiningur.
Slægjur átti Hafurhestur allar á Korpudal, en nú eru þar sama sem engar.
Milli Þorpstúna eru skýr merki: Lækur milli Hests og og [svo] Efrihúsa og grjótgarður
og skurður. Niðri, undan túninu á hann eyrnapart niður í Hestá. Utanvert við túnið á Hestur alt
land nema lítinn part, sem liggur í vinkil, og eru glögg merki þar og enginn ágreiningur
Gjört að Hafurhesti 20. mars 1921 af ábúanda og eiganda Guðmundi Bjarnasyni,
Jónatan Magnússyni bónda á Hóli, Jens Jenssyni frá Tungu Páli Rósinkranssyni bónda á
Kirkjubóli Kristjáni G. Guðleifssyni bónda á Kirkjubóli Þorvaldi Þorvaldssyni bónda á
Efstabóli Elíasi Eiríkssyni bónda á Kroppsstöðum Kjartani Rósinkranssyni
[á spássíu] Lesið á manntalsþingi á Flateyri 12. júlí 1921. Gjald 2 tvær kr.
