(Ekki er hægt að opna bók á réttum stað þar sem blaðsíðutal vantar)

Uppskrift

Landamerki milli Seljalands og Tungu eru af undirskrifuðum samþykkt þannig: Um 60 faðma 
frá Seljalandstúngarði rennur lítill lækur niður í Langá (það er þvermerki), við upptök hans er 
varða, klappað á L.M., upp af henni er stór steinn í múlanum, klappað á L.M. Frá þessum steini 
skal ríðandi maður fara eptir brúninni fram að Bunuá, og skal hann alltaf sjá á elzta Tungubæ 
(samanber Langa í krókum). Eptir það skiptir Bunuá londum til fjalls. 
Seljalandi, 7. Júní 1884 
Halldór Halldórsson fyrir hönd M. Jochumssonar, eiganda Seljalands. 
Helgi Sölfason, eigandi Tungu. 
Jón Jónsson, fyrir hönd Jens Guðmundssonar á Brekku. 
Fyrir hönd kirkjunnar: Þorvaldur Jónsson Þorvarður Sigurðsson. Guðmundur Sveinsson. 
Landamerki milli Seljalands og Stakkaness eru: Næsti lækur við Grænagarð allt til sjóar, og er 
honum sleppir hið svonefnda Merkjagil allt til fjalls. 
Ísafirði, 11. Júlí 1884. 
Fyrir hönd kirkjunnar: Þorvaldur Jónsson 
„ „ M. Jochumssonar H. Halldórsson ábúandi. 
[á spássíu] Þinglesið á manntalsþingi í Hnífsdal 14/7 1884 C. Fensmark 
Borgun: 
Þingl. 0,75 
Bókun 0,25 
– ein króna – 
Borgað C. F.