Uppskrift
Land jarðarinnar liggur austan fram með Álptafirði út að hamri þeim, er liggur fram í sjó utan
til á miðri Sjötúnahlíð. Hamar þessi er veggmyndaður klettur, sem gengur upp í bakkana og
fram í sjóinn, svo að ekki verður riðið fyrir framan um flóð, og er enginn slíkur hamar á
Sjötúnahlíð. Landamerkin eru beina stefnu frá hamrinum upp fjallshlíðina til efstu brúnar. Að
sunnan frá bænum á jörðin land austan fram með dalnum að á þeirri, sem rennur eptir miðjum
dalnum og ofan til sjávar milli Hattardalsbæjanna. Þessi aðalá skiptir löndum, þangað til komið
er töluverðan kipp fram fyrir svo kallaðar Þverár; er þá farið eptir stærstu kvísl árinnar, sem
rennur undan miðju fjallshorninu, svo kölluðum Bessa. Merki þessi eru aðalmerki jarðarinnar.
Ítök í þessu landi eru sem hér greinir:
Bændaeignin Hattardalskot, sem stendur utarlega í túninu. Landamerki þess eru nálægt því
miðja vega milli bæjanna í svo kallaðri Merkjalág, liggja beint eptir miðri láginni og í réttri
línu niður til árinnar og upp undir hlíðina. Síðan á Hattardalskotið land út að svo kölluðum
Landamerkjalæk, sem rennur til sjávar að sunnanverðu við Hellutanga. Þar að auki á það
slægnablettinn Grænumýri, enn fremur lítilfjörlega smátungu austast á lægri Girðisbrekku
neðan undir svo köllluðu Langholti, og ennþá einn lítinn blett á lægsta Bandi fyrir framan Þverá
fram að svörtu þúfu. Allir þessir blettir eru merktir með stórum steinum. Svo á Hattardalskot
óskipt beitiland og skóg að tiltölu við heimajörðina eptir jarðarhæð. Þessum landamerkjum
hefir verið þinglesið.
Hattardal meiri, 8/6 83.
Þórður Magnússon bóndi.
Samúel Jónsson, bóndi í Hattardalskoti.
C. Fensmark
[á spássíu] Þinglesið á manntalsþingi í Súðavík 11/6 83 C. Fensmark
Borgun:
þingl. 0,75
bókun 0,25
– ein króna –
Borgað C.F.
